हसा आणि हसवत रहा

       *   हसा आणि हसवत रहा    *

    हास्य आणि निरोगी असणं या दोन गोष्टी चं अतूट नातं आहे.  आपण दिवसातील  किती वेळ  हसतो, अगदी खळखळुन हसतो हा प्रश्न स्वत:लाचच विचारून पहा, उत्तर मिळेल  .  फारस न हसणारे एका नकारात्मक भावनेत जगत असतात.  समस्या आणि फक्त समस्या.  यांचच तुणतुणं वाजवणारे अवतीभवती असतात, अशाच विचारांचा कोष तयार करून त्यातच राहणे पसंत करतात, आणि हसण मात्र विसरून जातात.  आपल्याला  मिळालेलं  हे सुंदर जीवनाचं भाग्य कस उपभोगायच यावर सकारात्मक विचार करण्याची गरज आहेच.  काही व्यक्तींना खळखळु न हसण आवडत नाही, कमीपणा वाटतो, अवखळपणा वाटतो, पण नेमक्या वेळी  मनसोक्त आनंद लुटण्याच राहुन जाते हे बरोबर नाही.
    विनोदी कथा, प्रासंगिक, चुटके, किस्से, टिव्ही चेंनल  वरील  हिंदी मराठी हास्यविनोदी कार्यक्रम यांची अगदी रेलचेल  दिवसभर असताना त्याचा आस्वाद घेतलाच पाहिजे.  आपल्या परिवारासोबत, मित्रमंडळी सोबत हास्यविनोदाचा आनंद लुटण्याची मजा काही औरच असते.  चेहऱ्याचे सगळे  स्नायु मोकळे  होतात.  मन प्रसन्न होते, प्रत्यक्ष हसतांना हसणाऱ्यांचे  मजेदार वेडेवाकडे होत असलेले  चेहरे पाहुनच खरे म्हणजे भरपूर हसायला  मिळते.  मनमुराद हसण्याचा आनंद लुटलाच पाहिजे.  निखळ  हास्यासारखे दुसरे औषध नाही.
    एका विशिष्ट  वयानंतर समस्यांच आक्रमण वाढल्यामुळे  किती तरी वेळा  हसायचं राहुन जात, असं व्हायला  नको. हास्य क्रियेचे बहुमुल्य क्षण सतत जमतील  तसे वेचत रहायला  हवे.  आपण हास्य क्लबचे सक्रीय सदस्य बनण्यातच मजा आहे.  दिवसातून जमेल  तेव्हा मुद्दाम विनोदी किस्सा मोठ्या  ने वाचणे,
 व्यंगचित्र पाहणे, त्यातला  आनंद घेणे, इतरांना हसवणे हे ज्याला  जमले  त्याचे भले  होणार म्हणून समजावे, तेव्हा हसा आणि हसवत रहा हे सुत्र जोपासा आणि जीवन आनंदमय बनवा, हसा आणि लठ्ठ  व्हा, पण निरोगी व्हा.
                        ुुुसुहास  सोहोनी-- मोबा.९४०५३४९३५४
                                क्षण  वेचतांना [मराठी लेखसंग्रह २०१२]
                               www.suhassohoni.blogspot.com