💥काय महत्वाचे आहे ?

💥काय महत्वाचे आहे ?
*#महसूल* की *#दारूबंदी*💥 💥दारू व्यवसायाद्वारे देशाला महसूल प्राप्त होते असे मानणाऱ्या सर्व मान्यवर नागरिक व सर्व स्तरावरील नेतेमंडळींनी कृपया असे लाजिरवाणे वक्तव्य करू नये. 💥 म्हणजेच देशात जास्त महसूल उत्पन्न मिळावे यासाठी दारू व्यवसायात व दारू पिंणाऱ्यांच्या संख्येत वाढ होणे अपेक्षित आहे.
💥आता तर गवत वा गुलाबाच्या पाकळ्यांपासून दारू निर्मिती शक्य आहे ,असे अभिमानाने व उत्साहाने सांगितले जात आहे .
💥दारू किंवा मद्य देशाला महसूल प्राप्तीसाठी व त्याद्वारे देशाच्या विकासासाठी एव्हढे लाभदायक, आवश्यक आहे तर दारूचे समर्थन करणाऱ्या सर्व मान्यवरांनी,लोकनेत्यांनी मुख्यत्वे स्वतःच्या मुला मुलींना,सर्व नातेवाईकांना रोज
*दारू प्राशन करा व देश घडवा*
असा मौल्यवान उपदेश करायला हवा.
💥 कधीतरी पूर्ण शुद्धीत राहून स्वतःच्या अंतर्मनात डोकावून प्रमाणीकपणे स्वतःलाच उत्तर द्या .
💥जाणीवपूर्वक जनतेला दुर्दैवाच्या खाईत लोटणारे ,जनतेचे अहित चिंतणारे शासक लाभणे हे सुद्धा एकप्रकारे देशाचं दुर्दैवच नाही का ?
*सुहास सोहोनी,
सामाजिक विचार मंच,
अमरावती - ६
मोबा :- ९४०५३४९३५४
[★ 👆वि

द्यार्थी वर्गाने या विषयावर आपले विचार लिहून व्यक्त करावे👆★]

एक विदारक सत्य

◆एक विदारक सत्य◆
💥एखाद्या देशाला हीन-दीन-दुबळें, बरबाद करून टाकायचं म्हणजे नेमकं काय !
★म्हणजे त्या देशातले लहान मुले, तरुण पिढीला सगळ्या व्यसनांमध्ये पूर्णपणे बुडवून टाकायचं,जर्जर करून सोडायचं,त्याबदल्यात शासनाने प्रचंड #*महसूल* गोळा करायचा. ★गोरगरिबांच्या,श्रीमंतांच्या मुलींना वाममार्गाला लावायचं,
★ म्हणजे ती पिढी स्वतःची,माय बापाची,भावाबहिणीची सुद्धा काळजी घेऊ शकणार नाहीत ,मग ते
💥देशाला कसे काय सांभाळणार ??? 
💥 ★अयोग्य व्यक्तीचा मान सन्मान करून त्याला पुरस्कृत करायचे .असे आणखीन काही स्व-फायद्यासाठी सुचेल ते केले म्हणजे त्या देशाचा *अधोगतीच्या / *विनाशाच्या मार्गाचा प्रवास सुरु झालाच म्हणून समजावे.
★विचार करा - देश वाचवा
★तो सर्वश्रेष्ठ ईश्वर,परमात्मा तरी काय करणार ! *सुहास सोहोनी,
*सामाजिक विचार मंच,
अमरावती ४४४६०६ ,
*मोबा : ९४०५३४९३५४

अड्डा-२७ w

💥अड्डा -२७,कसबा कॅफे ही ,विदर्भाची सांस्कृतिक नगरी- "अमरावतीची दुर्दैवी नवी ओळख."💥
★एका शांत आणि चांगल्या शहरातील लाडावलेल्या आणि चटावलेल्या धनिक पुत्रांचे लाफडेबाज चाळे नक्कीच दखलपात्र आहेत .आपल्या मुलाने कोणता व्यवसाय निवडावा, तो व्यवसाय आपल्या घराण्याच्या प्रतिष्ठेला साजेसा आहे की नाही !असे विचार या तरुणांच्या आई बापांच्या मनात तरी येतात कि नाही ,हाच खरा प्रश्न आहे .असे आई वडील आपल्या मुलांना अवैध धंद्यासाठी प्रोत्साहन देतात याचे कारणच मुळी अशा घरात पूर्वापार अनैतिक धंदे ,अयोग्य विचारधारणा असू शकते ,त्यामुळे शासकीय नियमांची ऐसी तैसी करण्यासाठी नेहमीच हातमिळवणी झालेली असते.
★नीती - अनीती चा विचार न करता कोणत्याही मार्गाने फक्त भरपूर पैसे मिळविणे एवढा #एक #कलमी #कार्यक्रम ,या मंडळींचा असतो.सध्याचं युग हे #प्रलोभन युग आहे.तरुण - तरुणी ,काही भरकटलेले मध्यमवयीन पुरुष हे अंमली पदार्थ व चैनी च्या दुनिये कडे आकर्षित झालेले आहेत .सगळ्या प्रकारची भौतिक सुखे हर प्रयत्नाने कशी मिळवता येतील याच विचारात हा वर्ग नेहमी गर्क असतो.सट्टा, जुगार ,विविध अंमली पदार्थ याच्याच शोधात हा बिघडलेला समाजघटक गावभर उनाडक्या करत फिरत असतो. चैन आणि पैसे कमविण्याचे सगळे हलके, नीच मार्ग यांना सहज मंजूर असतात. ★देशी विदेशी मद्याची यांची मागणी प्रचंड आहेच पण त्याबरोबरच सट्टा, जुगार, हुक्का,आणि नवं नवीन स्त्रिया आपल्या तावडीत कशा सापडतील याच्या शोधात हि मंडळी असतात.यांना अशा सुखाची चटक लागलेले ग्राहक सुद्धा भरपूर मिळतात .चुकीच्या मार्गाने अफाट पैसा कमावलेल्या घरातील बिघडलेल्या तरुण-तरुणींच्या जवळ पॉकेट मनी च्या रूपाने बराच पैसा खुळखुळत असतो ,आणि तो #चैनकेंद्रात उधळला जातो . ★एकदा व्यसनी बनल्यावर तर काय ! वाटेल त्या मार्गाने पैसे मिळवले जातात .शासनाने समाजाला धोकादायक अशी ही *#चैन #केंद्रे* नष्ट करावी.कारण ही किड आहे आणि वेळेवर कीड नष्ट नाही केली तर संपूर्ण समाजाला हि कीड नष्ट करेल,पोखरून टाकेल.सांभाळा आपल्या तरुणांना,मुला - मुलींना. कुठे वळताहेत यांची पावले ! नक्कीच आणि वेळीच लक्ष द्यायला हवं .
*आपल्या शांत शहराची अशी दळभद्री ओळख व्हायला नकोच* .* *सुहास सोहोनी,
*सामाजिक विचार मंच
अमरावती

- ६

👍करिअरच्या वेगळ्या वाटा

👍करिअरच्या वेगळ्या वाटा💥
💥
★आज आपला एकूणच समाज भौतिक सुखाच्या आकर्षणामुळे चंगळवादाकडे मार्गक्रमण करीत आहे,हे सत्य मान्य करावेच लागेल."मिळालेल्या या जन्मात जगातली सगळी सुखं उपभोगा" हा वर्तमानाचा महामंत्र आहे .गरजांची नवनवी व्याप्ती नजरेसमोर उलगडत चालली असून उपभोगांच्या गरजांची पूर्तता करण्यासाठी देश तसेच विदेशी व्यापारी,उद्योजक,सेवा संस्था,बँका आपल्या देशात जम बसवू लागले आहेत .नेमक्या यामुळेच रोजगार व्यवसायाच्या नवनवीन वाटा समोर येत आहेत .गरज आहे अशा नव्या संधिकडे डोळसपणे लक्ष ठेवण्याची .सरकारी किंवा खाजगी देशी विदेशी उपक्रमांमध्ये कुशल कामगारांची गरज येत्या पाच वर्षात प्रचंड वाढणार आहे .
★करिअर म्हणजे एखाद्या विषयाचे #शास्त्रशुद्ध #शिक्षण घेऊन व त्यात #पारंगत होऊन केला जाणारा व्यवसाय/नोकरी ज्यामुळे त्या व्यक्तीची #जीवनशैली ठरते व ती त्याच्या उपजीविकेच साधन असते.
★कोणत्याही कालखंडात कुशल कामगारांची गरज असतेच ,प्रशिक्षण देऊन कुशल कामगार घडवले जातात व अशा प्रशिक्षित कामगारांनाच नोकरीत,व्ययसायात प्राधान्य मिळते हि वस्तुस्थिती सुद्धा नजरेआड करता येणार नाही.यामुळेच रोजगाराभिमुख अभ्यासक्रम पूर्ण करून प्रशिक्षित असलेल्यांनाच नोकरी मिळण्याची शक्यता जास्त आहे . विविध उपक्रम,विविध संस्था,विद्यापीठे किंवा उद्योग समूह या सर्वांची स्वतःची प्रशिक्षण केंद्रे आज उपलब्ध आहेत .या बाबत समग्र माहिती विद्यार्थ्यांना नसते हि खरी अडचण आहे.
★प्रत्येकाने आपला कल ओळखून करिअर निवडावे.करिअर विषयक अनेक दालनं आज समोर आहेत.विमान सेवा हे उत्तम उदाहरण आहे .त्याशिवाय रिटेलिंग,फॅशन,रत्नशास्त्र,जैव तंत्रज्ञान,इव्हेन्ट मॅनेजमेंट,आर्मी,नेव्ही,एअरफोर्स,इलेक्ट्रॉनिक्स आणि प्रिन्टमीडिया,हॉटेल मॅनेजमेंट, टुरिझम,ऍनिमेशन,परफॉर्मिंग आर्ट,मायक्रोफायनांस,रिअल इस्टेट मॅनेजमेन्ट,करिअर इन योगा,टी. व्ही.चॅनल्स, बी.एड,डी.एड,हॉर्टीकल्चर , नर्सरी मॅनेजमेन्ट,एम.बी.ए.,मार्केटिंग, पत्रकारिता,रुग्णसेवक,हॉस्पिटल मॅनेजमेन्ट,मेडिकल टुरिजम,करिअर इन क्लिनिकल रिसर्च ,इंजि.अँड टेक्नॉलॉजी,पब्लिक रिलेशन,एल. एल.बी.,एल .एल. एम.,फायनान्स प्लॅनिंग,स्टाईल मॅनेजमेन्ट,इ-लर्निंग,फेंगशुई,ज्योतिषशास्त्र, इन्शुरन्स,तेल आणि वायू ,फुटवेअर डिझाईन, सामाजिक कार्य,प्लास्टिक टेक्नॉलॉजी,सर्वांना माहिती असलेले इंजि.मेडिकल व आय.टी. क्षेत्र इत्यादी अनेक वेगवेगळ्या वाटा उपलब्ध आहेत.त्याविषयी सविस्तर माहिती,पत्ते, फोन,मोबाईल नं., ई-मेल, वेबसाईट आपणा सर्वांसाठी नेटवर संकलित केलेली आहे .इच्छुकांनी या संधीचा फायदा घेऊन माहिती मिळवावी व आपल्या करिअरच्या वेगवेगळ्या वाटा निवडाव्या. ★मित्रांनो आत्तापासूनच लागा कामाला ,
★#शुभेच्छा #आहेतच.★
आपला मित्र
लेख संग्रह :
" घे उंच भरारी " (२०१६)
लेखक :
*सुहास सोहोनी ,अमरावती -६
मोबा:९४०५३४९३५४