💥व्यसनाधीनता - एक राष्ट्रीय संकट

💥व्यसनाधीनता - एक राष्ट्रीय संकट 💥 ★व्यसनाधीनता हा आजच्या समाजाला लागलेला एक महाभयंकर रोग आहे.अतिशय वेगाने या समस्येचा प्रसार आपल्या देशात होत आहे .देशातील प्रत्येक शहर कालमानाप्रमाणे बदलत आहे,श्रीमंत होत आहे ,पण अत्यंत दुर्दैवाची गोष्ट अशी आहे की ज्यावेळी प्रत्येक वस्तीत क्रीडामण्डळे ,आखाडे स्थापन होण्याची नितांत आवश्यकता आहे त्या ऐवजी ठिकठिकाणी बिअर बार, मसाज केंद्रे,हुक्का पार्लर,कार्ड रुम, पूल पंगा,हेल्थ क्लब्ज ह्या नावाखाली अनेक अनैतिक गैरप्रकार सर्रास चालू आहेत .
★ एकीकडे व्यसनमुक्ती चळवळीला गती यायला हवी,अशी वस्तुस्थिती असतांना मात्र गल्लोगल्ली नवनवीन अवैध,अनैतिक ,हिडिस केंद्रे उघडतांना दिसतात.हि सगळी #चैन #केंद्रे आजच्या युवापिढीला जबरदस्त वेगाने विनाशाकडे आकर्षून घेत आहेत.
★जीवनांत - कमीवयात बऱ्याच गोष्टी सहज व सुलभपणे साध्य झाल्यामुळे अनेक युवक चैनीच्या मार्गाकडे वळतात ,आणि स्वतःबरोबर अनेकांचे जीवन उध्वस्त करतात.ज्या भयंकर वेगाने व्यसनी लोकांची वाढ होत आहे,त्या प्रमाणात #व्यसनमुक्ती ची #चळवळ निश्चित कमी पडते आहे.त्यामुळे व्यसनांच्या परिणामांची भयानकता युवा पिढीला पटणे, पटवून देणे अत्यावश्यक झाले आहे .*हे एक राष्ट्रीय संकट आहे*हेच आधी सर्व समाजाला पटायला हवे,मान्य व्हायला हवे . अवैधरित्या अंमली पदार्थांचा व्यापार करणाऱ्या/करवणाऱ्यांना गुन्हेगार समजून त्यांना जास्तीतजास्त कडक शिक्षा होणे जरुरी आहे .अशा गुन्हेगारांचा शोध घेणारी सक्षम यंत्रणा असायला हवी. ★समाजकार्य करणाऱ्या स्वयंसेवी संस्था,संघटना,कार्यकर्ते,विचार वन्त आणि व्यसनाधीन व्यक्तींचे कुटुंबीय या सर्वांनी एकत्र येऊन *#समाजमन*जागृत करणे आवश्यक आहे.व्यसनाधीन व्यक्तींना 'व्यसनमुक्त करणे व पुन्हा त्यांना समाजात सामावून घेणे' हे अत्यंत काळजीपूर्वक व्हायला हवे.ह्या मनोरुग्णांना आपुलकीची फार गरज असते.कमकुवत मनामुळे असलेल्या इच्छाशक्तीच्या अभावावर( दुर्बलतेवर)उपचार होणेच आवश्यक असते.व्यसनी रोग्याला रोगमुक्त करणे यापेक्षा #अंमली #पदार्थांवर १००% #निर्बंध घालणे केंव्हाही जास्त परिणाम कारक असणार आहे.
★दारू किंवा अंमली पदार्थ विकणारे मालक व कामगार बेरोजगार होतील याचे वाईटच वाटणार असले तरी त्यांना काही तरी काम नक्कीच मिळेल आणि कामगारांच्या परिवारातील प्रत्येक सदस्यांच्या #अंतर्मनात #मनःशांती #लाभेल .सुखी आयुष्याचा खरा अर्थ त्यांना सुद्धा उमजेल .
★परंतु अंमली पदार्थ व दारूच्या नियमित सेवनाने तरुणांच्या कित्येक पिढ्या बरबाद होणार /उध्वस्त होणार आहेत हे #राष्ट्रीय #नुकसान फार भयंकर असणार आहे.आजूबाजूला व्यसनांची अफाट प्रलोभनें खुणावत असतांना ,केवळ प्रबोधनाने व्यसनांची घट्ट मगर मिठी कशी सुटेल ? म्हणूनच व्यसनांची हि *#दळभद्री #केंद्रे*(दुकाने ) बंद करणे अत्यावश्यक झाले आहे.
★युवकांच्या विचारांना प्रगल्भ करणे,
*स्वच्छ चारित्र्य,*योग्य - आयोग्याची जाण, *कर्तव्यनिष्ठा आणि *बलवान शरीरात खंबीर व बलवान मन असलेले युवक #निर्माण होण्याची काळाची गरज आहे,हे आता समाजाने ओळखण्याची वेळ आलेली आहे .*वेळीच आपल्याला जर जाग आली तर अजूनही होणारे संभाव्य सामाजिक व राष्ट्रीय दुष्परिणाम आपण नक्कीच टाळू शकू .
💥सावध व्हा व्यसनाधीनता हे राष्ट्रीय संकट आहे💥
लेखक : - सुहास सोहोनी, लेख संग्रह : - घे उंच भरारी (२०१६)